𝗠𝗲𝗻𝘀𝗮𝗵𝗲 𝗻𝗴 𝗞𝗮𝗹𝗶𝗵𝗶𝗺 𝗽𝗮𝗿𝗮 𝘀𝗮 𝗣𝗮𝗴𝘁𝗮𝘁𝗮𝗽𝗼𝘀 𝗮𝘁 𝗠𝗼𝘃𝗶𝗻𝗴-𝗨𝗽 𝗖𝗲𝗿𝗲𝗺𝗼𝗻𝗶𝗲𝘀 𝘀𝗮 𝗧𝗮𝗼𝗻𝗴 𝗣𝗮𝗻𝘂𝗿𝘂𝗮𝗻 𝟮𝟬𝟮𝟭-𝟮𝟬𝟮𝟮

Mainit na pagbati sa mga opisyal ng paaralan, mga administrador, mga faculty member at adviser, mga guro, at mga magulang ng mga nagtapos, at mga completer ng Taong Panuruan 2021-2022!

Sa ngalan ng Kagawaran ng Edukasyon (DepEd), ipinagmamalaki ko na ipagdiwang ang mga tagumpay, pinagdaanan, at natamong karangalan ng mga nagtapos sa batch na ito at mga mag-aaral na na-promote sa End-of-School Year rites ngayong taon na may temang “Gradweyt ng K to 12: Masigasig sa mga Pangarap at Matatag sa mga Pagsubok” (K to 12 Graduates: Pursuing Dreams and Fostering Resilience in the Face of Adversity).”

Sa nakalipas na anim na taon, tumalima kami sa aming mandato na pagandahin ang kalidad ng edukasyon, palawakin ang access, at siguraduhin ang kaugnayan nito sa mabilis na pagbabago ng mundo.

Pinagsumikapan ng DepEd na tugunan ang bawat hamon sa pamamagitan ng pagpapatupad ng mga programa at reporma sa Kagawaran. Buo naming naipatupad ang K to 12 curriculum at ang mga agresibong reporma ng Sulong Edukalidad na lumikha ng globally competitive na mga mag-aaral at mga guro. Pinalawig din namin ang aming misyon para sa abot-kamay na edukasyon sa pamamagitan ng pagpapatibay ng Alternative Leaning System (ALS) at ng Last Mile Schools program upang maabot pa ang maraming Pilipino. Gayundin, itinatag din namin ang National Academy of Sports (NAS) at Education Futures Unit upang gumawa ng marami pang oportunidad para sa ating mga mag-aaral at maasahan ang kinabukasan ng sistema ng edukasyon sa ating bansa.

Tumatalima sa pagpapanatili ng momentum na ito, binuo at ipinatupad ng Kagawaran ang Basic Education-Learning Continuity Plan (BE-LCP), kung saan nag-alok ang Kagawaran ng iba’t ibang learning modalities at gumawa ng award-winning na mga inisyatiba tulad ng DepEd TV at DepEd Commons sa kasagsagan ng pandemya. Sa huli, ipinagpatuloy ng Kagawaran ang adhikain nito laban sa di-pangkaraniwang hamon sa pangunahing edukasyon habang tayo ay progresibong nagpapalawak ng muling pagbubukas ng face to face classes sa bansa.

Sa katunayan, ang edukasyon ay tunay na isang shared responsibility. Kung kaya ipinahahayag namin ang aming mataas na pagpapahalaga sa aming mahal na mga magulang at guro sa pagiging mga katuwang sa pagpapanday ng mga kabataan sa nagdaang mga taon.

Sa Class of 2022, nasa dugo ninyo ang katatagan. Nalagpasan ninyo ang isa sa mga pinakamahirap na panahon sa kasaysayan ng sangkatauhan at sa kabila nito, niyakap pa rin ang edukasyon bilang pangunahing kagamitan sa tagumpay. Naniniwala akong sa inyong masidhing damdamin at layon, makakamit ninyo ang inyong mga pangarap at babaguhin ang mundo.

Nawa’y panatilihin ninyong makamit at ibahagi ang inyong karunungan, bilang magkakasama, makabubuo tayo ng isang bansa ng mga magagaling na mamamayan ng mundo at mga lider sa hinaharap.

𝗟𝗘𝗢𝗡𝗢𝗥 𝗠𝗔𝗚𝗧𝗢𝗟𝗜𝗦 𝗕𝗥𝗜𝗢𝗡𝗘𝗦

Kalihim

[Full message (English): DOWNLOAD]
[Filipino: DOWNLOAD]

You may also like: FREE WEBINAR FOR TEACHERS WITH FREE DIGITAL CERTIFICATES
Free to download: